Ni 1,012 Hnu Ah An Uknak A cem

European Champion League thuanthu ih thuanthu nei tha bik le champion ngah tambik Real Madrid cu tui zing, March 6, 2019 ah ah Ajax club thawn sungsuak an sitnak ah 4:1 ih an sun ruangah tuikum hrang Champion League ihsin an tla ta riar. Tui kum hrang an champion thei nawn lo ruangah an uknak ni 1,012 hnu ah a cem tinak a si.

Real Madrid hi  2015-2016 ihsin kum thum sung a pehpeh in champion sinak an rak hmu thei. Asinan kum linak ahcun quater final hman thleng thei loin sungsuak (knockout stage) ah Ajax club neh loin an tla ta riai.

Real Madrid hi Champions league le Copa del rey ihsin an tlafel zo ruangah tui season ah beisei ding an nei nawn lo vek a si ih Laliga khalah hmaihruaitu Barcelona thawn hmat 12 in thlau aw in table 3nak ah an to.

Real mipi cun hivek ih tlaksiatnak an ton ruangah an president Perez suak dingih poi an ti lo thu an rel celcel. Cun, tui an manager ai-awh tu dingah Jose Mourinho an duh thu khal theih a si. Hivek tlaksiatnak an ton cun an mipi pawl in Cr7 an ngai ruangro.

C.Ronaldo in Real Madrid hrang season 9 UCL a lek ih season khat vial R16 ah a tlakpi. Season 4 semi final a thlen pi ih vei 4 a champion pi.Tu a um nawn lo vete’n anmah le kel te’n R16 ah an tla lala. Real hi voi thum rori a zonzon ih champion league la theitu club umsun an siih voi 12 chapion in  a tambik dinhmun ah an ding.

safe_image (2)

Advertisements

“Chin (Falam) – English – Myanmar Dictionary” A Suak Zo

Falam milesa sungih calai lam ih kan pa le kan rinsan zetmi Sayakyi Van Kyi ih kutsuak “Chin (Falam) – English – Myanmar” Dictionary cu mipi ih siar theih in a um zo tiah thu theih a si.

Tui tum hi a voi hnihnak Dictionary a suahnak a siih a hmaisa cu English-Chin lawng a rak siih 2003 ah a rak suah dah. Tu cu Lai – Mirang- Myanmar tiin a si thlang dingih a famkim sinsin ding.

Cabu hi Ministry of Education zungpi ih namA man hi bu khat ah Ks. 3000 a si dingih Cinmual IT dawr, Falam ah leih a theih zo. Hmun dangdang khal ah zuar vivo dingih tlangzarh a si.

53711569_2107539912666512_614784749780598784_n

 

Lungpi Ciciin Tlawngah Degree Peknak Tluangten Theh Suak

Lungpi Ciciin tlawng ih a hmaisabik diploma degree peknak cu March 4, tlawngkai nikhat ni ah tluangten an theh suak tiah thu theih a si.

Tlawngta 40 in Diploma in Agruculture dgree an la suak ih tlawngta 40 sung ihsin top 4 thleng ban pawl cun bachelor degree kai thei dinhmun an si ih cuih pawl cu: Ma Nang Moh Moh (8D), Mai Zing Chin Mawi (8D), Ma Sandar Moe (8D) le Mai Lang Khan Nuam (7D) pawl tla an si.

Tuikum 2018-2019 cazir kum ih kum khatnak a kaitu zaten 149 an si, kum hnihnak ah 81 an um ih kum thumnak ah 93 tlawngta na um. Zate kom in 323 tlawngta an um tiah theih a si.

Himi buai pehnak ah Falam peng zipeng DC Aung Kyaw Tun in a telpi tiah thu theih a si. Chin ramkulh hotu Pu Salai Lian Luai in a telpi ve ding ti asinan, Tlangkawi khawmpi zawh phah in Rihkhawdar a lan ruangah a telpi theih lo.

IMG_E6091.JPG

Bus Cangsual An Chin Pastor le Chin Missionary Thi

Kalay-Yangon tlan High Class bus cu tui ziang March 5, zing nazi 6 ah a ke dunglam kuai phah thawn lamzin khamnak (Guard Rails) pah pang in an ril vivo, cutin tung ding-aw thei lo in lamzin kap ah an ril lan tiah thu theih a si.

Bus ahhin mipa 26, (phungkim 5) le nunau 11 an to ih mipa 16 (phungki 1 tel) le nunau 9 in hriam an tuar. Mipa 6 (phungki 3 tel) le nunau 2 in an nunnak an can tiah theih a si.

A thi mi ah Chin pastor Andrew Sui Khaw Lian le missioanry pakhat a tel. Pastor Andrew hi CCM kawhhran, Yangon ih pastor tuan rero lai a si. A nupi Mary Zing khal hriamhma a tuar ve. Pastor Andrew ih Laitlang a khua cu Selawn a si ih, fa pahnih, nunau pakhat le mipa pakhat a nei.

Bub cangsualnak hi Yangon thlen hlan, peng 77, furlong 3 le 4 karlak ah a si. Chinmi dang khal an tel hai nan thuhla fiangfel kan thei hrih lo.

FB_IMG_1551759492903-300x194

Source: Highway Police Office News

 

Kum 87 Hnu Ah Barcelona In Real Madrid An Hun Lan

Leitlun ih football club tumpi le hlawhtling bik pahnih, ral-aw bik le mipi ih zoh le rel hlawhbik club Barcelona le Real Madrid ih neh-awk dan thuanthu tawi hi a hnuai ah rak siar ve aw.

February 3, Zarhpi zing (2:15) ih La Liga puai ah Real Madrid le Barcelona an tongaw lala ih Barca in goal khat thun in nehnak an co ruangah Real Madrid voi 96 an nehnak a siih Kum 87 hnu ah a voi khatnak Real an hloih-nak a si.

Real le Barca thuanthu kan zoh asile Real in a tamsawn nehnak record an nei ringring. 1902 ihsin 2008 tiangah puai 102 an lekih Barca in voi 20 tlawng a rak neh thei.

Messi um hlan kum 10 ahkhan Real in 85 nehnak nei in Barca in 78 lawng a rak nei. Asinan Messi Barca ih a luhhnu cun thuanthu a danglam theh. 2012 ah Barca in an hun man ih 86 veve nehnak record nei in an rak duhtawk aw dah.

Cun, Messi ih hohonak thawn 2009-2019 sungah Real Madrid innpi ah puai 17 an do aw ih Messi lam Barcelona in puai 10 nehnak an co. Messi hin Real Madrid voi 41 a do zo ih voi 19 a nehpi, voi 12 an sung ih voi 10 an duhtawk aw. Goal 26 thun in El Clasico ih goal thun tampi record neitu a si. Assist khal 14 a nei.

February 3, 2019 Zarhpi zing ih an buai thawn tu ah voi 191 tong aw in Real in 95 nehnak an co ih Barca in 96 an neh. Barca in kum 87 hnu ah thuanthu thar an ngan, Real Madrid an hun lan thei tinak a si.

IMG_E6065.JPG

Matupi Peng Ah Vanzam Tualrawn

Matupi peng, Lailenpi khua ah vanzam tualrawn saknak cu March 6 ah an thok thlang tiah thu theih a si.

Himi vanzam tualrawn hi England ram ih Health and Hope pawlkom dintu Dr. Sa Sa tawlrelnak in MAF paw in an mission hnatuannak ah tiin vanzam tualrawn an cehsak tummi a si.

Vanzam tualrawn cu pi 2000′ tluk sau ding a siih minung 10 tlemmi vanzam fate pawl lawng a ttum thei ding. An tumtah bik mi khal mi damlo pawl phurh thiar awknak hrangah a si bik tiah Dr. Sa Sa cun a sim. Acozah sumpai tel lo riai ih an sak tummi a si thu khal theih a si.

IMG_E6063

NLD le Tualto Party Ih Danglamnak

NLD ih Chin MP le Chin tualto party ih Chin MP hi an bangaw hrimhrim lo. NLD ih Chin MP cun, NLD party remtinak tel loin ziang hman a sim ngam lo a sim thei lo ti cu zapi theih a si.

Pi bik Suhkyi a lungawi lo pang cun, mi men men ah an cang cih ding ti an thei. Zo si Pi Suhkyi duh lo zawng sim le rel ngam? Chin party ih MP cun a tha a timi cu a duh dan in a sim thei a tuah thei. Party policy thipi bik khal Chin miphun thu a si. Curuangah, NLD ih Chin MP le Chin party ih Chin MP cu Chin miphun hrangah an bangaw lo lawlaw. Tahthim theih an si lo.

Chin NLD Party le Chin Tualto Party Danglamnak NLD ih Chin MP le Chin party ih Chin MP hi an bangaw lo lawlaw. An bangawk lonak tlangpi cu himi Cahram ih kan ngan tummi a si. NLD ih Chin MP cun, NLD party remtinak tel loin ziang hman a sim ngam lo a sim thei lo ti cu zapi theih a si. Pi bik Suhkyi a lungawi lo pang cun, mi menmen ah an cang cih ding ti an thei. Zo si Pi Suhkyi duh lo zawng sim le rel ngam? Chin party ih MP cun a tha a timi cu a duh dan in a sim thei a tuah thei. Party policy thupi bik khal Chin miphun thu a si. Curuangah, NLD ih Chin MP le Chin party ih Chin MP cu Chin miphun hrangah an bangaw lo lawlaw. Tahthim theih an si lo. By Zalen Chinland.

 

IMG_6043.JPG