Rundamnak A Hlo Thei Maw?

Rundamnak A Hlo Thei Maw?

Rundamnak a hlo thei maw thei lo timi thu ah zum dan le pom dan phunphun a um. Himi thurin hi tlawng ka zirhnak khal ah tlawngta pawl ih suh duh bikmi thusuhnak pakhat a si. An suh ding hrimhrim khal a si. Ziangahtile rundamnak thu hi a thupi bik. Rundamnak thu ah kan peng pang a si ahcun tih a nung tuk. Himi cahram ah ‘cumi pa/cumi nu in ziangtin an ti’ timi si sawn lo in Bible in ziangtin a ti timi zohnak kan nei sawn ding. Felfai le tawi famkim thei bik ih simfiang kan tum ding. Rumdamnak a hloh thei lonak san tampi um lakah pathum ten kan tarlang duh.

A pakhatnak ah, rundamnak a hlo thei lo ti kan pomnak cu “kumkhua nunnak” timi tongfang ruangah a si. 1 John 5:1112 ah, “Pathian in kumkhua nunnak in pe ih cuih nunnak cu a Fapa sungah a um.” Pathian in Khrih Jesuh sung ihsin in pekmi nunnak timi hi a laangte sung, caan tawite hrang lawngah a si lo. Kumkhua nunnak a si. Siar bet: Johan 3:36; 6:40, 47; Rom 6:23.

Pahnihnak ah, zumtu Pathian fate cu Pathian in a hminsin ih Thlarau Thianghlim in tacik a khen. (Efesa 1:13;14; 4:40). Titawk ah Greek tongfang ih tacik khen asilole hminsinnak (seal) timi hin thu pahnih a sim. Thimnak ah, kan cabu tivek ah tacik kan khen. Tacik khennak in a sim duhmi cu himi cabu cu keimah ih “ta” a si ti a sim duh. Cuvek in mi pakhat a pianthar le veten Thlarau Thianghlim in tacik a khen (Efesa sungih kan hmuh vekin). Cui tacik khen ih a sawh duhmi cu kannih cu Pathian ta, Pathian fete kan si ti a khihhmuh. Cuitlun ah, tacik khen timi hin himnak (security) a hmuhsak bet. Kannih cu Pathian kut sungah kan him ti in hmuhsak a si.

A netnak ah, Jesuh Khrih ih hman mi tongkam ruangah a si. John 10:28-29 sungah Jesuh in, “An hnenah kumkhua nunnak ka pek ih ziangtik hmanah an thi nawn lo ding. Zohman in, in lawng thei fawn lo ding. Anmah ka hnenih I petu ka Pa cu ziangzongza hnakin a tum ih amah kut sung ihsin zohman in an long thei lo ding” tin a um. Hitawk ih, amah kut sung ihsin zohman in an long thei lo ding” timi hi Greek tongfang ahcun “lo ding” timi elnak tongkam hi pahnih thuah rori ih ngan a si. A sim duhmi cu zohman in an long thei hrimhrim lo ti a sim duhnak a si.

Curuangah zumtu felfai cun ziangtik hmanah a rundamnak a hlo lo ding. Sual a tuah theutu pawl teh? Zumtu felfai cu sual sungah nuam zetin a tlang leng thei lo. 1 Johan 3:6, Curuangah Khrih sungih a ummi poh cun sualnak a tuah lo. Sualnak a tuahtu cu Khrih a hmu dah lo le a thei dah lomi an si. Himi Bungcang ih sim duhmi cu zumtu hrangah sual tuah himi hi a cang thei lo mi, daan a si lo mi (unnatural) a si tinak a si.

1 John 2:19, “Himi pawl hi kannmah ih mi ngaingai an si lo ruangah in tlansan a si. Kanmah sungih a telmi taktak si hai sehla in pawl ringring ko ding. Hitiih in suahsannak hin kan pawl sungih minung ngaingai an rak si lo, ti a langter a si.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s