Category: Falam Version

One Championship (MMA) Ah Chinpa

One Championship (MMA) Ah Chinpa

Thongawknak phun khat a simi One Championship (Martial Art) zuamawknak ah thong ve dingin Chin pa Tial Cung Thang cu March 2, 2019, 5:45am ah Yangon a thleng ding tiah theih a si.

March 8th, 2019 zan Yangon Thuwanna Stadium ih neih dingmi One Championship ah Columbia pa thawn thong aw ding an siih Tial Cung Thang hrang ahcun MMA ih a voi khatnak mi a thongnak si ding. MMA thongtu ah Kawlram dinhmun ih kan theih lar zetmi cu Kachin pa Aung Lah N San hi a si.

Tial Cung Thang hi Hakha khua thar ihsin USA ah immigrant mi a si. Mi tampi in kan zoh paih zetmi MMA: One Championship ah Chin hmel kan hmu thlang ding tinak a si.

Source: Tial Cung Thang Facebook Page

Advertisements

North Korea Hotu, Kim Jong-un Cu US President Tong dingah ziangah Tlangleng A To ?

President Donald Trump le North Korea President Kim Jong-un cu February  27 le 28 ni ah Vietnam khawpi, Hanoi ah tong aw in US-N.Korea pehtlai awknak thu, China ih hriamhrei thuhla le Russia ram thuhla pawl rel dingin thu tiamnak an nei. 

Mr. President Kim cu Vietnam feh dingah vanzam la sawn lo in tlangtleng thawn a feh tikah mipi an mangbang theh. Ziangruangah tlangleng thawn a feh tiin thu an sut celcel. 

North Korea ihsin Vietnam hi vanzam thawn feh asile Nazi 3 lawng a rei. Tlangleng thawn cun Nazi 60 a rei. Asinan cucu Mr. Kim in a hril sawn tlak a si. Ziangruangah? 

Mithiam pawl in an zingzoi dan ah an hmuhsuak mi cu Mr. Kim in a pu Kim II- sung ih thu a zir si ding an ti. A pu Kim II- sung hi N. Korea hotu a rak si ih 1958 le 1964 kum ah Vietnam tlangleng thawn a rak tlawng dah ve. Pu Kim Jong khal Kim II- sung ih tupa le a ai-awhtu a si ti langternak ah hivek ih Vietnam a fehnak san a ti tiah mithiam pawl cun an ti. 

Cuitlunah, Pu Kim Jong ih to theu mi vanzam, Chammae-I timi hi a tha tuk nawn lo hlei ah mawngthiam an vang ih cunah si ding tiah a zumtu an um. Chammae-I hi 10,000 kilometers zam theimi vanzam a si. A voi khatnak President Trump thawn an tonawk lai khal ah China acozah vanzam a rak sang dah. 

Source: The Guardian News

Ni 5 Sungah Puai Rori Bik Voi Hnih A Um Ding


Leitlun ih club hlawhtling bik le tumbik pahnih, Real Madrid le Barcelona cu ni nga sungah voi hnih rori do aw ding an si thu nemhnget zo a si. 
A voi khatnak cu anmah Spain ram ih a thupi zetmi zuamawknak Copa Del Rey timi a si ding. Copa Del Rey Quarter Final ah an tong aw ih Barcelona innpi ah an rak sit zo. Goal cu 1:1 in an rak duhtawk aw. 
Tuizarh Tlawngkai Nithum (February 27 Zan) ah Real Madrid innpi ah a voi hnihnak an sit dingih a nehneh cu Semi Final an kai ding. A caan cu 2:30 AM ah a si dingih Tlawngkai Nili zing tinak a si. 
Himi puai theh in Zarhte zan (March 2 ) ah Real Madrid innpi ah an nuai aw lala ding. Himi zuamawknak cu La Liga zuamawknak a siih Spain ram ih bawhlung zuamawknak thupi bik a si. A can cu Nazi 2:15 AM, Zarhpi zing tinak a si. Tu season La Liga ah Barcelona innpi ah an rak tong aw ih Barca In 5:1 in an rak sawp neknek. An manager tla an rak banter hngehnge. 
Tu hi tuikum season ih round 26nak a siih Voi 25 an sit mi ah Barcelona in hmat 57 hmu in Table hmai an hruai. Real hi hmat 48 nei in Top 3nak ah an um lai hrih. 
Titei pahnih doawk puai hi leitlun bawhlung zuamawknak ah zohtu ngah bik an si ringring. Kan dung Kum ih an rak do awk lai tla minung Billion 3 in an rak zoh tiah theih a si. 
Barcelona le Real Madrid hi a zaten voi 239 an tong aw ih Real Madrid in 95 neh in Barcelona in 94. Voi 50 cu an duhtawk aw.

Falam Ah In Ding Tidai Thiang Cekzung Thar Tuah

Falam Ah In Ding Tidai Thiang Cekzung Thar Tuah 
Falam khawpi ih a tul zetmi Tidai thiang suahnak cetzung cu February 24, 2019 ni ah Falam Daifim cetzung timi hmin pe in tuah a si.
Himi cetzung hin Nazi pakhat ah liter thawnghnih (2000) tluk a suah thei ih tuini, February 25 ihsin zuar thok a si. Liter 20 tleng tithol pakhat ah Ks. 1000 (Thawngkhat) in an zuar tiah theih a si. 
An tuahnak hmun hi Zahlir (Bangla) khua ah a siih a dawhhna khal a tha ih tidai khal a thaw zet. Falam ihsin peng 10 a hla. 
A tufang hnatuantu hi minung 6 an siih Falam mipi in tidai thiang man olten kan inn ngah thlang ding tinak a si.

WWE Ah Roman Reign Kir Sal Ding

Wrestling lekmi lakih mipi ih uar zetmi Roman Reign cu kan dung Octorber thla ahkhan thisen khensa (cancer) natnak ruangah Wrestling ihsin a rak cawl sung. Universal Champion a sinak khal a rak bansan dah.

Asinan a ra laimi February 25, Moday Night Raw zan ah WWE ah a ra kirsal dingih a damlonak thu thawn pehpar aw in thu simnak a nei ding tiah WWE thuneitu pawl in official in an than. Thla 4 hnu ah WWE ah a ra kirsal tinak a si.

Roman Reign hi Brock Lesner in Universal Champion a rak si. Asinan a champion-nak a ban hnu ah Brock Lesner a rung champion sal. Brock Lesner hnenah ziangmi thu a sim ding ti cu mipi ih theih hiar zetmi a si.

Source: WWE Facebook 39569812_1737171246402476_6173330286097465344_n.jpg

Matupi Peng Lailenpi Khuapi Ralkap In Kulh

Acozah ralkap in AA pawl cimit theh dingin ralkap vamzam (helicopter) pa 4 le Mawtaw 45 cu Matupi peng Lailenpi khuapi ah an thlah tiah thu theih a si. Lailenpi khawsung cu ralkap hlir in a khat tikah mipi pawl pawnleng suak an khap, khualtlawng le lofeh tivek khal an khap theh ih mipi cu thinphang in an um tiah thu theih a si.

30728314_1752281354830741_6239594188077949550_n

Himi ih acozah in Ralkap a thlahnak san hi AA pawl Matupi peng Mizoram ramri ah an um ti an theih ruangah a si. Mawtaw a feh thei lonak hmun ah mipi pawl kuli an tuanter men thei tiah thuleng a um fawn.

Khawsung mipi pawl cu kuli tuan in ralkap thilri phurh tul in a um pang pei ti phang in an um ih ral a daih theinak dingah thlacam an cam tiah theih a si.

Source: Mara Global NewsIMG_E5915

India Ralkahnak Vanzam Aizawl Airport Ah

India ralkahnak vanzam pawl cu rin lo piin Mizoram Airport (Lengpui Airport) ah an ttum. Hivek thil a thlengmi parah mipi an thin phang zetih ziangruagnah a cang timi khal fiangzet ih theih a si lo.

Asinan thil pakhat cang mi cu Mizoram le Paletwa (Chin) ramri ah India ralkap tampi mawtaw thawn an feh. Kiangkap ummi khuate pawl cu hitawk ihsin tlan in hmun dangah feh uh tiah mipi thu an pek. Cui ramri sehvel ahcun AA le Kawl ralkap an kap aw rero ti a si.

India ralkap hin AA maw a kap ding? Asilole Kawl ralkap maw a kap ding? Asilole China thawn kap aw an tum timi cu mipi ih hlir zetmi a si. Kawlram sungih zinan suahnak Rakhine ramkulh hi India le China in an cuh aw tiah thu theih a siih himi ruangih kap awk an tummi a si tiah thu theih a si.IMG_E5912

Zuk: Lengpui Airport, Mizoram