Category: Healths

Falam Ah In Ding Tidai Thiang Cekzung Thar Tuah

Falam Ah In Ding Tidai Thiang Cekzung Thar Tuah 
Falam khawpi ih a tul zetmi Tidai thiang suahnak cetzung cu February 24, 2019 ni ah Falam Daifim cetzung timi hmin pe in tuah a si.
Himi cetzung hin Nazi pakhat ah liter thawnghnih (2000) tluk a suah thei ih tuini, February 25 ihsin zuar thok a si. Liter 20 tleng tithol pakhat ah Ks. 1000 (Thawngkhat) in an zuar tiah theih a si. 
An tuahnak hmun hi Zahlir (Bangla) khua ah a siih a dawhhna khal a tha ih tidai khal a thaw zet. Falam ihsin peng 10 a hla. 
A tufang hnatuantu hi minung 6 an siih Falam mipi in tidai thiang man olten kan inn ngah thlang ding tinak a si.

Advertisements

Nunau Hrang Ih Vaitamin Tha Bik

Mai’ nupi thauter dingah ei le in thatha a rak tul kher lo. Innsang harsa nan nupi thau pipi tam tuk an um ti cu theih cio a si. Zingzoitu in an hmusuak mi cu nunau thaunak ding hrangih vaitamin tha bik cu thil dang a si lo, Mipa buati a si. Asinan, an rel bet mi cu mipa buati ngaih lo unau tla an um ti a si. A ngaihtu pawl cu an thau zukzo mai.

Mipa Buati khi Doctor pawl in an zohfel tikah nunau hrang Sii ttha ttha tampi a um an ti. Nunau pawl thau theinak le taksa mawinak sii thatha tampi a um. Asinan, Buati thawn ngaih lo pawl kha cu an Mah Numi sungah dam lo nak a um ruangah a si an ti. Na Nupi in na thil ti te a ngaih maw ngaih lo ti cu a taksa ah a lang mai ding.

Nunau hrekkhat pasal an neih hnu ah an taksa natnak a hlo theu. Himi hi thil dang ruangah a si lo, an pasal thil ti ruangah a rak si.

Source : Chin Future Website

Voksa Ih Tihnungnak Pasarih

Kannih Chinmi hrangah voksa hin duh a co bik kan ti asile kan sual tam lo ding. A that lo zia khal kan thei nan, kan sup aw thei lo cu a si ko. Mithiam pawl in Voksa an zir suahnak ih an hmuhsuah mi pawl cu a hnuailam bangtuk a si.

40355791_2275816442491941_7808582944531939328_n

1.Vok ih sunghril le pumpi pawl hi hnawmpung pakhat vekih baal le tihnung, ten um a si ih natsia phunphun thlen theitu a si . Ziangruangah tile vok ih ei mi rawl pawl hi thil ttawt le uih , lung telmi rawl thing pawl an nei theu tikah an sung khalah bawrhhlawh zet a si thotho.

2.Voksa ih thausia pawl in thildang kan ei mi rawl tha pawl ih thatnak pawl a zuk kaang theh ih rawl dang hnak in thatlonak 13 rori a kengtel.

3.Sa dang kan ei mi cu pum sung ih rem tha aw dingin nazi 8 a tul ih thisen in a thatnak pawl a rak la khawm. Asinan voksa cu nazi 4 vial rei ih a feh rangtuk ruangah thisen sungah nat tha lo tamzet a kenglut pah.

4.Vok ih danglamnak cu ramsa dang tamsawn bangih thlanhri a neih ve ruangah a taksa sungah tursia nat-hrik a tamzet phah. Rul ei theu vok an um bangin rul tul pawl khal an taksa sungah a tur a nei vivo.

5.Voksa ih danglamnak pakhat dang khal sa dang aiin lung an um ol sawn ih an ttawt [siatral ] hmaisa sawn ringring.

6.Vok sungah khukrul phun 3 an um ih tii an nei cio. An tii pawl hi tisa le siti thawn reizet suan lo ahcun an thi lohli ve lo.

7.Voksa hi sa dang aiih let 2 in thausia a nei tam ih thisen sang , thin natnak ,zun thlum le zeng natnak pawl tampi a suahter thei a si.

Hipawl hi mithiam pawl ih hmuhsuah mi a si ih ei nawn lo ding ti rori a si lo nan,kan ei a si khalle luarkai tukih kan ei nawn lo a thasawn ding a si.

Note: Chinland Time website ta copy mi a si.

40355791_2275816442491941_7808582944531939328_n