Category: News

One Championship (MMA) Ah Chinpa

One Championship (MMA) Ah Chinpa

Thongawknak phun khat a simi One Championship (Martial Art) zuamawknak ah thong ve dingin Chin pa Tial Cung Thang cu March 2, 2019, 5:45am ah Yangon a thleng ding tiah theih a si.

March 8th, 2019 zan Yangon Thuwanna Stadium ih neih dingmi One Championship ah Columbia pa thawn thong aw ding an siih Tial Cung Thang hrang ahcun MMA ih a voi khatnak mi a thongnak si ding. MMA thongtu ah Kawlram dinhmun ih kan theih lar zetmi cu Kachin pa Aung Lah N San hi a si.

Tial Cung Thang hi Hakha khua thar ihsin USA ah immigrant mi a si. Mi tampi in kan zoh paih zetmi MMA: One Championship ah Chin hmel kan hmu thlang ding tinak a si.

Source: Tial Cung Thang Facebook Page

Advertisements

North Korea Hotu, Kim Jong-un Cu US President Tong dingah ziangah Tlangleng A To ?

President Donald Trump le North Korea President Kim Jong-un cu February  27 le 28 ni ah Vietnam khawpi, Hanoi ah tong aw in US-N.Korea pehtlai awknak thu, China ih hriamhrei thuhla le Russia ram thuhla pawl rel dingin thu tiamnak an nei. 

Mr. President Kim cu Vietnam feh dingah vanzam la sawn lo in tlangtleng thawn a feh tikah mipi an mangbang theh. Ziangruangah tlangleng thawn a feh tiin thu an sut celcel. 

North Korea ihsin Vietnam hi vanzam thawn feh asile Nazi 3 lawng a rei. Tlangleng thawn cun Nazi 60 a rei. Asinan cucu Mr. Kim in a hril sawn tlak a si. Ziangruangah? 

Mithiam pawl in an zingzoi dan ah an hmuhsuak mi cu Mr. Kim in a pu Kim II- sung ih thu a zir si ding an ti. A pu Kim II- sung hi N. Korea hotu a rak si ih 1958 le 1964 kum ah Vietnam tlangleng thawn a rak tlawng dah ve. Pu Kim Jong khal Kim II- sung ih tupa le a ai-awhtu a si ti langternak ah hivek ih Vietnam a fehnak san a ti tiah mithiam pawl cun an ti. 

Cuitlunah, Pu Kim Jong ih to theu mi vanzam, Chammae-I timi hi a tha tuk nawn lo hlei ah mawngthiam an vang ih cunah si ding tiah a zumtu an um. Chammae-I hi 10,000 kilometers zam theimi vanzam a si. A voi khatnak President Trump thawn an tonawk lai khal ah China acozah vanzam a rak sang dah. 

Source: The Guardian News

Falam Ah In Ding Tidai Thiang Cekzung Thar Tuah

Falam Ah In Ding Tidai Thiang Cekzung Thar Tuah 
Falam khawpi ih a tul zetmi Tidai thiang suahnak cetzung cu February 24, 2019 ni ah Falam Daifim cetzung timi hmin pe in tuah a si.
Himi cetzung hin Nazi pakhat ah liter thawnghnih (2000) tluk a suah thei ih tuini, February 25 ihsin zuar thok a si. Liter 20 tleng tithol pakhat ah Ks. 1000 (Thawngkhat) in an zuar tiah theih a si. 
An tuahnak hmun hi Zahlir (Bangla) khua ah a siih a dawhhna khal a tha ih tidai khal a thaw zet. Falam ihsin peng 10 a hla. 
A tufang hnatuantu hi minung 6 an siih Falam mipi in tidai thiang man olten kan inn ngah thlang ding tinak a si.

WWE Ah Roman Reign Kir Sal Ding

Wrestling lekmi lakih mipi ih uar zetmi Roman Reign cu kan dung Octorber thla ahkhan thisen khensa (cancer) natnak ruangah Wrestling ihsin a rak cawl sung. Universal Champion a sinak khal a rak bansan dah.

Asinan a ra laimi February 25, Moday Night Raw zan ah WWE ah a ra kirsal dingih a damlonak thu thawn pehpar aw in thu simnak a nei ding tiah WWE thuneitu pawl in official in an than. Thla 4 hnu ah WWE ah a ra kirsal tinak a si.

Roman Reign hi Brock Lesner in Universal Champion a rak si. Asinan a champion-nak a ban hnu ah Brock Lesner a rung champion sal. Brock Lesner hnenah ziangmi thu a sim ding ti cu mipi ih theih hiar zetmi a si.

Source: WWE Facebook 39569812_1737171246402476_6173330286097465344_n.jpg

Matupi Peng Lailenpi Khuapi Ralkap In Kulh

Acozah ralkap in AA pawl cimit theh dingin ralkap vamzam (helicopter) pa 4 le Mawtaw 45 cu Matupi peng Lailenpi khuapi ah an thlah tiah thu theih a si. Lailenpi khawsung cu ralkap hlir in a khat tikah mipi pawl pawnleng suak an khap, khualtlawng le lofeh tivek khal an khap theh ih mipi cu thinphang in an um tiah thu theih a si.

30728314_1752281354830741_6239594188077949550_n

Himi ih acozah in Ralkap a thlahnak san hi AA pawl Matupi peng Mizoram ramri ah an um ti an theih ruangah a si. Mawtaw a feh thei lonak hmun ah mipi pawl kuli an tuanter men thei tiah thuleng a um fawn.

Khawsung mipi pawl cu kuli tuan in ralkap thilri phurh tul in a um pang pei ti phang in an um ih ral a daih theinak dingah thlacam an cam tiah theih a si.

Source: Mara Global NewsIMG_E5915

India Ralkahnak Vanzam Aizawl Airport Ah

India ralkahnak vanzam pawl cu rin lo piin Mizoram Airport (Lengpui Airport) ah an ttum. Hivek thil a thlengmi parah mipi an thin phang zetih ziangruagnah a cang timi khal fiangzet ih theih a si lo.

Asinan thil pakhat cang mi cu Mizoram le Paletwa (Chin) ramri ah India ralkap tampi mawtaw thawn an feh. Kiangkap ummi khuate pawl cu hitawk ihsin tlan in hmun dangah feh uh tiah mipi thu an pek. Cui ramri sehvel ahcun AA le Kawl ralkap an kap aw rero ti a si.

India ralkap hin AA maw a kap ding? Asilole Kawl ralkap maw a kap ding? Asilole China thawn kap aw an tum timi cu mipi ih hlir zetmi a si. Kawlram sungih zinan suahnak Rakhine ramkulh hi India le China in an cuh aw tiah thu theih a siih himi ruangih kap awk an tummi a si tiah thu theih a si.IMG_E5912

Zuk: Lengpui Airport, Mizoram

 

Chin Ramkulh Hluttaw Ihsin Colhter A Si

Chin ramkulh Hluttaw ih Hotu Sang U Aung Than cu a hnatuannak ihsin colhter a si tiah Chin  Hluttaw hruaitu lubik Pu Zo Bawi in a sim tiah thu a leng celcel. Himi thu thawn pehpar aw in Chinlung Today Media thawn an bia aw ih “Cawl ter mi cu a si ko… tlun lam ihsin colhter a si ih ziangah an cawlter ti cu ka thei ve lo ” tin a sim a ti.

52416202_2245103185757711_2534899679603195904_n

Hluttaw Vice-President U Aung Than

U Aung Than colhter ding thu hi February thla Hluttaw to khawm lai ah Hluttaw hotu Pu Zo Bawi in a sim ih Hluttaw MP pawl kan zate kan mangbang theh tiin MP palai Dr. Hmu Thang in a sim. Colhternak thu an than ni ah U Aung Than cu Hluttaw a kai lo.

U Aung Than an colhternak san hi thu felfai ih theih a si lo nan,. NLD party sung ah remawk lonak a um ih an hek aw mi a si ding tiah thu theih a si. NLD party hrang thureltu Dr. Myo Ngut cun “kannih Bahu lam cun  cuvek thu kan thei lo, ziang ca khal a thleng lo” tin a sim.

U Aung Than hi 1990 kum ah NLD hrang Mindat ihsin nasa tak ih ttang tu a si. 2015 election ah Mindat ihsin Hluttaw MP a ngah. Cui hnu-ah Chin ramkulh Hluttaw Hotu Sang (vice president) ah hril a si.

hluttaw-300x147

Credit : Khonomthung News; Chin Future; Chinlung Today.