Category: Sport intertainments

Kum 87 Hnu Ah Barcelona In Real Madrid An Hun Lan

Leitlun ih football club tumpi le hlawhtling bik pahnih, ral-aw bik le mipi ih zoh le rel hlawhbik club Barcelona le Real Madrid ih neh-awk dan thuanthu tawi hi a hnuai ah rak siar ve aw.

February 3, Zarhpi zing (2:15) ih La Liga puai ah Real Madrid le Barcelona an tongaw lala ih Barca in goal khat thun in nehnak an co ruangah Real Madrid voi 96 an nehnak a siih Kum 87 hnu ah a voi khatnak Real an hloih-nak a si.

Real le Barca thuanthu kan zoh asile Real in a tamsawn nehnak record an nei ringring. 1902 ihsin 2008 tiangah puai 102 an lekih Barca in voi 20 tlawng a rak neh thei.

Messi um hlan kum 10 ahkhan Real in 85 nehnak nei in Barca in 78 lawng a rak nei. Asinan Messi Barca ih a luhhnu cun thuanthu a danglam theh. 2012 ah Barca in an hun man ih 86 veve nehnak record nei in an rak duhtawk aw dah.

Cun, Messi ih hohonak thawn 2009-2019 sungah Real Madrid innpi ah puai 17 an do aw ih Messi lam Barcelona in puai 10 nehnak an co. Messi hin Real Madrid voi 41 a do zo ih voi 19 a nehpi, voi 12 an sung ih voi 10 an duhtawk aw. Goal 26 thun in El Clasico ih goal thun tampi record neitu a si. Assist khal 14 a nei.

February 3, 2019 Zarhpi zing ih an buai thawn tu ah voi 191 tong aw in Real in 95 nehnak an co ih Barca in 96 an neh. Barca in kum 87 hnu ah thuanthu thar an ngan, Real Madrid an hun lan thei tinak a si.

IMG_E6065.JPG

Advertisements

One Championship (MMA) Ah Chinpa

One Championship (MMA) Ah Chinpa

Thongawknak phun khat a simi One Championship (Martial Art) zuamawknak ah thong ve dingin Chin pa Tial Cung Thang cu March 2, 2019, 5:45am ah Yangon a thleng ding tiah theih a si.

March 8th, 2019 zan Yangon Thuwanna Stadium ih neih dingmi One Championship ah Columbia pa thawn thong aw ding an siih Tial Cung Thang hrang ahcun MMA ih a voi khatnak mi a thongnak si ding. MMA thongtu ah Kawlram dinhmun ih kan theih lar zetmi cu Kachin pa Aung Lah N San hi a si.

Tial Cung Thang hi Hakha khua thar ihsin USA ah immigrant mi a si. Mi tampi in kan zoh paih zetmi MMA: One Championship ah Chin hmel kan hmu thlang ding tinak a si.

Source: Tial Cung Thang Facebook Page

Ni 5 Sungah Puai Rori Bik Voi Hnih A Um Ding


Leitlun ih club hlawhtling bik le tumbik pahnih, Real Madrid le Barcelona cu ni nga sungah voi hnih rori do aw ding an si thu nemhnget zo a si. 
A voi khatnak cu anmah Spain ram ih a thupi zetmi zuamawknak Copa Del Rey timi a si ding. Copa Del Rey Quarter Final ah an tong aw ih Barcelona innpi ah an rak sit zo. Goal cu 1:1 in an rak duhtawk aw. 
Tuizarh Tlawngkai Nithum (February 27 Zan) ah Real Madrid innpi ah a voi hnihnak an sit dingih a nehneh cu Semi Final an kai ding. A caan cu 2:30 AM ah a si dingih Tlawngkai Nili zing tinak a si. 
Himi puai theh in Zarhte zan (March 2 ) ah Real Madrid innpi ah an nuai aw lala ding. Himi zuamawknak cu La Liga zuamawknak a siih Spain ram ih bawhlung zuamawknak thupi bik a si. A can cu Nazi 2:15 AM, Zarhpi zing tinak a si. Tu season La Liga ah Barcelona innpi ah an rak tong aw ih Barca In 5:1 in an rak sawp neknek. An manager tla an rak banter hngehnge. 
Tu hi tuikum season ih round 26nak a siih Voi 25 an sit mi ah Barcelona in hmat 57 hmu in Table hmai an hruai. Real hi hmat 48 nei in Top 3nak ah an um lai hrih. 
Titei pahnih doawk puai hi leitlun bawhlung zuamawknak ah zohtu ngah bik an si ringring. Kan dung Kum ih an rak do awk lai tla minung Billion 3 in an rak zoh tiah theih a si. 
Barcelona le Real Madrid hi a zaten voi 239 an tong aw ih Real Madrid in 95 neh in Barcelona in 94. Voi 50 cu an duhtawk aw.

Sui Kedan Cuhawknak A Sosang Vivo

Europe ram ih bawhlungsit zuawmnak top 5 League: Premier League (England), Serie A (Italy), La Liga (Spain), Ligue 1 (France), le Bungdesliga (Germany) lak ihsin goal thun tam bik hnen ih an pek theumi Sui Kedan zuamawknak cu a sosang deuhdeuh.

Tufang ah Messi in goal 22 nei ih PSG club hrangih lek Mbappe in mizan Montpellier club thawn an sitnak ah goal 1 a thun ih a zaten goal 20 a nei. Messi naihbiktu a si. Christiano Ronaldo in goal 19 a neih ih Messi a man thei pei maw ti cu mipi ih hlir zetmi a si.

Sui Kedan (Golden Shoe) hi Messi in voi 5 rori a ngah zo ih voi 5 tiang ngah theitu cu amah lawng a si. Christiano Ronaldo in voi 4 a ngah zo. Tulai thangthar lakih lar zet Mbappe hin tuikum a ngah ding an zum cio zet. Zo in a ngah ding ti cu season cem lawngah a fiang ding.

48379457_1954356711326960_2600560276336017408_n