Lungpi Ciciin Zirhnak Tlawngah A Hmaisabik Diploma Degree Buai Pe Ding

 

Lungpi Ciciin Zirhnak Tlawng ihsin a hmaisabik Diploma Degree peknak cu March 4, zinglam nazi 9:00 ah an nei ding ih Chin ramkulh CM Pu Salai Lian Luai in a telpi ding tiah thu theih a si.

Diploma Degree buai latu ding hi minung 40 an siih himi sung ihsin top 4 ih thleng bantu pawl cu Bachelor degree kai peh theinak caan tha an nei. Bachelor kai theinak camibuai (entrance exam) an phi thei ih an ong asile Bachelor of Agriculture degree ngah thei dinhmun an si.

Lungpi Ciciin zirhnak tlawng hi July 4, 1962 ah an ong thok a siih June 1, 1970 ah Phun 9/10 Ciciin zirhnak tlawng tiin hmin an rak pe. Cutheh in April 1, 1999 kum ah Pa-ngang zuatnak tlawng tiin an rak thleng.

A tui Lungpi Ciciin tlawng cu Noverber 2015 ah Ciciin zirnak tlawng tiin rak phuan tummi a si ko nan, remcan lonak tete ruangah rak phuan thei lo in um. Asinan, 2016 ah an rak thok thei. Tlawng onpuai cu rampi President 2 Pu Henry Van Thio in Feb 4, 2017 ah a rak tuah.

IMG_E6061

Source: Chinland Herald

Advertisements

Falam Khawpi In June Thla Ihsin Tidai Khawpkham Ngah Thlang Ding

Falam khawpi hman ding hrang ih tawlrel rero mi Laiva tidai cu hnatuantu Authentic Company in May thlacem ah an theh thei ding tiah thu theih a si.

Laiva tii-lak hnatuan hi theh lam an pam vivo ih tufang ah pipe phum ding lawng a tang. Pipe phumnak ah lungto a tel le a that lo ruangah lungto tel lomi leilung thawn a hmaisa ah an khuh, hmun hrekkhat ahcun vunnel an khuh hmaisa tiah thu theih a si. Cun, Tlangzar le Taal khua karlak ih lungto lawnglawng umnak leiram ahcun Thir pipe an hmang tiah Municipal Committee hotu hnen ihsin theih a si.

Liava tili ih tii zuknak khal Syphon System le pump system tiah phunhnih in an hmang. Syphon system cun tui’ tidai level ihsin pi 10’ tiang a tumsuk khal le a vun zuk thei, pi 10’ hnu a tum asile pump system in tidai zuk ding a si.

IMG_E6062

Source: CH

One Championship (MMA) Ah Chinpa

One Championship (MMA) Ah Chinpa

Thongawknak phun khat a simi One Championship (Martial Art) zuamawknak ah thong ve dingin Chin pa Tial Cung Thang cu March 2, 2019, 5:45am ah Yangon a thleng ding tiah theih a si.

March 8th, 2019 zan Yangon Thuwanna Stadium ih neih dingmi One Championship ah Columbia pa thawn thong aw ding an siih Tial Cung Thang hrang ahcun MMA ih a voi khatnak mi a thongnak si ding. MMA thongtu ah Kawlram dinhmun ih kan theih lar zetmi cu Kachin pa Aung Lah N San hi a si.

Tial Cung Thang hi Hakha khua thar ihsin USA ah immigrant mi a si. Mi tampi in kan zoh paih zetmi MMA: One Championship ah Chin hmel kan hmu thlang ding tinak a si.

Source: Tial Cung Thang Facebook Page

North Korea Hotu, Kim Jong-un Cu US President Tong dingah ziangah Tlangleng A To ?

President Donald Trump le North Korea President Kim Jong-un cu February  27 le 28 ni ah Vietnam khawpi, Hanoi ah tong aw in US-N.Korea pehtlai awknak thu, China ih hriamhrei thuhla le Russia ram thuhla pawl rel dingin thu tiamnak an nei. 

Mr. President Kim cu Vietnam feh dingah vanzam la sawn lo in tlangtleng thawn a feh tikah mipi an mangbang theh. Ziangruangah tlangleng thawn a feh tiin thu an sut celcel. 

North Korea ihsin Vietnam hi vanzam thawn feh asile Nazi 3 lawng a rei. Tlangleng thawn cun Nazi 60 a rei. Asinan cucu Mr. Kim in a hril sawn tlak a si. Ziangruangah? 

Mithiam pawl in an zingzoi dan ah an hmuhsuak mi cu Mr. Kim in a pu Kim II- sung ih thu a zir si ding an ti. A pu Kim II- sung hi N. Korea hotu a rak si ih 1958 le 1964 kum ah Vietnam tlangleng thawn a rak tlawng dah ve. Pu Kim Jong khal Kim II- sung ih tupa le a ai-awhtu a si ti langternak ah hivek ih Vietnam a fehnak san a ti tiah mithiam pawl cun an ti. 

Cuitlunah, Pu Kim Jong ih to theu mi vanzam, Chammae-I timi hi a tha tuk nawn lo hlei ah mawngthiam an vang ih cunah si ding tiah a zumtu an um. Chammae-I hi 10,000 kilometers zam theimi vanzam a si. A voi khatnak President Trump thawn an tonawk lai khal ah China acozah vanzam a rak sang dah. 

Source: The Guardian News

Ni 5 Sungah Puai Rori Bik Voi Hnih A Um Ding


Leitlun ih club hlawhtling bik le tumbik pahnih, Real Madrid le Barcelona cu ni nga sungah voi hnih rori do aw ding an si thu nemhnget zo a si. 
A voi khatnak cu anmah Spain ram ih a thupi zetmi zuamawknak Copa Del Rey timi a si ding. Copa Del Rey Quarter Final ah an tong aw ih Barcelona innpi ah an rak sit zo. Goal cu 1:1 in an rak duhtawk aw. 
Tuizarh Tlawngkai Nithum (February 27 Zan) ah Real Madrid innpi ah a voi hnihnak an sit dingih a nehneh cu Semi Final an kai ding. A caan cu 2:30 AM ah a si dingih Tlawngkai Nili zing tinak a si. 
Himi puai theh in Zarhte zan (March 2 ) ah Real Madrid innpi ah an nuai aw lala ding. Himi zuamawknak cu La Liga zuamawknak a siih Spain ram ih bawhlung zuamawknak thupi bik a si. A can cu Nazi 2:15 AM, Zarhpi zing tinak a si. Tu season La Liga ah Barcelona innpi ah an rak tong aw ih Barca In 5:1 in an rak sawp neknek. An manager tla an rak banter hngehnge. 
Tu hi tuikum season ih round 26nak a siih Voi 25 an sit mi ah Barcelona in hmat 57 hmu in Table hmai an hruai. Real hi hmat 48 nei in Top 3nak ah an um lai hrih. 
Titei pahnih doawk puai hi leitlun bawhlung zuamawknak ah zohtu ngah bik an si ringring. Kan dung Kum ih an rak do awk lai tla minung Billion 3 in an rak zoh tiah theih a si. 
Barcelona le Real Madrid hi a zaten voi 239 an tong aw ih Real Madrid in 95 neh in Barcelona in 94. Voi 50 cu an duhtawk aw.

Falam Ah In Ding Tidai Thiang Cekzung Thar Tuah

Falam Ah In Ding Tidai Thiang Cekzung Thar Tuah 
Falam khawpi ih a tul zetmi Tidai thiang suahnak cetzung cu February 24, 2019 ni ah Falam Daifim cetzung timi hmin pe in tuah a si.
Himi cetzung hin Nazi pakhat ah liter thawnghnih (2000) tluk a suah thei ih tuini, February 25 ihsin zuar thok a si. Liter 20 tleng tithol pakhat ah Ks. 1000 (Thawngkhat) in an zuar tiah theih a si. 
An tuahnak hmun hi Zahlir (Bangla) khua ah a siih a dawhhna khal a tha ih tidai khal a thaw zet. Falam ihsin peng 10 a hla. 
A tufang hnatuantu hi minung 6 an siih Falam mipi in tidai thiang man olten kan inn ngah thlang ding tinak a si.

WWE Ah Roman Reign Kir Sal Ding

Wrestling lekmi lakih mipi ih uar zetmi Roman Reign cu kan dung Octorber thla ahkhan thisen khensa (cancer) natnak ruangah Wrestling ihsin a rak cawl sung. Universal Champion a sinak khal a rak bansan dah.

Asinan a ra laimi February 25, Moday Night Raw zan ah WWE ah a ra kirsal dingih a damlonak thu thawn pehpar aw in thu simnak a nei ding tiah WWE thuneitu pawl in official in an than. Thla 4 hnu ah WWE ah a ra kirsal tinak a si.

Roman Reign hi Brock Lesner in Universal Champion a rak si. Asinan a champion-nak a ban hnu ah Brock Lesner a rung champion sal. Brock Lesner hnenah ziangmi thu a sim ding ti cu mipi ih theih hiar zetmi a si.

Source: WWE Facebook 39569812_1737171246402476_6173330286097465344_n.jpg